Ek Nadaan Ladki By Lav Kalra

Vo bhook se pareshaan thi 
Vo mann se nadaan thi 
Ek patthar pr doodh chadhta dekh 
Na jaane kyu hairaan thi 

Mele mai alag baithi 
Gubbaron ko ghurti thi 
Ek kaagaz par Maa likh 
Roj usko chumti thi 

Lakho ki bheed mai 
Vo tanha si ghumti thi 
Anjaano ki parchai mai 
Vo apno ko dhundti thi 

Seekh gyi thi jeena 
Kha khakr thokar vo 
Ab nahi roti thi 
Sir ke niche rakh patthar vo 

Nhi smjhti vo iss duniya ko 
Udti rhti khyalo mai 
Rang birange khawabo ko 
Piroti rhti dhaago mai 

School bhi na jaa paayi vo 
Sochti kyu iss duniya mai aayi hai 
Maa ne kyu mujhe chod diya hoga 
Kyu ab tk yaad naa meri aayi hai 
Ye dekh ek budhi daadi boli 
Beti! Betiya tow parayi hai

- Lav Kalra